#BAIONA Os deportes náuticos está en auge en Baiona

Durante este fin de semana, a baía de Baiona acolleu dúas importantes probas populares que encheron de ambientes e deportistas o municipio. nA praia da Ribeira acolleu este sábado a celebración da IX Travesía a nado Vila de Baiona, que contou cun total de 200 inscritos repartidos nas categorías Sub-12, que deberon completar 100 metros, Sub-16, cun percorrido de 600 metros, e Adultos e Veteranos, que completaron 1.900 metros a nado entre as Praias da Barbeira e A Ribeira.nPor terceiro ano consecutivo, Marcos Vila Cid foi o primeiro en cruzar a liña de meta cun tempo de 23:53. Elisa Pichel García de Searez completou o percorrido en 27:17, converténdose na campioa feminina. Os primeiros baioneses en chegar á meta foron Marcos Domínguez Aguiar, por segundo ano, cun tempo de 25:48, e Sandra Santodomingo Fabián, que completou os 1.900 metros en 40:37. Por equipos, o vencedor foi o Peixiños do Val Miñor.nEn Sub-12, o vencedor foi Teo Alonso Vidal. Adrián Méndez- Benegassi Fernández e Álvaro Mesquita Lobato foron segundo e terceiro respectivamente. Esther Martínez Morán foi a primeira en cruzar a meta, seguida de Teresa Ponte Curiel en segunda posición e María Camba Vázquez pechando o podio.nEn Sub-16, Juan Carlos Mesquita Lobato foi o primeiro en completar os 600 metros. Gabriel Figueroa Fernández foi segundo e Javier Ponte Curiel terceiro. *Ángela Cobelo Represas volveu ser a campioa na categoría feminina, mentres que Sara Igrexas Gómez repetiu no segundo posto. Iria Amoedo Fernández ocupou o terceiro caixón do podio.nA Travesía a nado de Baiona está organizada pola Concellería de Actividades Marítimas coa colaboración da Piscina Mancomunada do Val Miñor.nO domingo a praia Ladeira foi o escenario da VII Travesía Paddlesurf Concello de Baiona. Máis de 70 padeeiros participaron na proba que se disputou entre Nigrán e Baiona, organizada por Prado Surf e Waira en colaboración cos dous concellos. nÁs 11:45 do mediodía saían da Praia de Panxón con destino á Praia da Ladeira, onde se celebrou o acto de entrega de premios.nPaulo Miguel Caldeira Lopes repetiu a súa vitoria de 2016, completando o percorrido en 41:01. Jose Casás García (43:58) ocupou a segunda praza e Luís Antonio Cabral Brito (45:00) foi terceiro.nNa categoría feminina, a primeira en chegar á praia baionesa foi Marta Abruñedo Salaberri (44:10), por diante de Elena Alfaya Pereira (50:24) e Lourdes Álvarez Otero (65:00), segunda e terceira respectivamente.nEn categoría sub 16, o gañador foi Eneko Alonso Vázquez (56:47). Rafael Fernández (78:15) foi segundo e Beatriz Casanova Morim (84:07) terceira.nAdemais, todo aquel que quixo puido gozar de bautismos gratuítos de pádel surf na Praia da Ladeira. Foron moitos os interesados en participan nesta cerimonia. nO mar é fonte de tranquilidade, aventura, acción e deporte para os amantes da acción e a adrenalina. Hoxe en día existen centos de deportes practicables na auga, adaptados aos gustos e necesidades de cada persoa. Desde os clásicos ou as máis innovadores, pero todos combinan acción e aventura. nAs actividades marítimas están, hoxe en día, vivindo unha época de innovación con novas modalidades deportivas que se uniron ás tradicionais. Os deportes acuáticos foron sempre parte vital do lecer e a náutica da Vila e o Concello de Baiona, a través da Concellería de Actividades Marítimas, aposta firmemente por seguir impulsando este tipo de actividades.nPor todos é coñecida a gran simbiose de Baiona e o mar, unha historia de fondo calado que, desde a Concellería de Actividades Marítimas, á fronte de Raúl Costas, queren reforzar e seguir fomentando para que os lazos entre os veciños e o mar perdure no tempo. Para facer máis forte este vínculo a concellería programou un gran número de actividades e eventos. Baiona converteuse na capital dos deportes náuticos nos últimos meses pois a axenda baionesa estivo, está e estará, marcada por importantes competicións e eventos. As probas disputadas este fin de semana súmanse a outras xa disputadas con gran éxito como a regata 525 Aniversario Arribada Carabela Pinta ou ou a regata de traiñeiras e as que están por disputar como a Tripla Coroa Illas Atlánticas ou o Campionato de España Absoluto de Caseta Up Pádel ( Paddlesurf).n GABINETE DE PRENSA CONCELLO DE BAIONA nREALIZADO POR: MARTA GONZÁLEZ PÉREZgabinetedeprensa@baiona.orgn

nFuente: Concello de Baiona