#GONDOMAR Gondomar aproba proxecto de reparcelamento do Polígono da Pasaxe

Desbloquéase así unha demanda histórica dos empresarios que facilitará a ampliación do Parque ata os 600.000 metros cadrados, xa nunha segunda fase.

n

“É un día moi importante para o  concello de Gondomar. Había moitos escépticos que non nos crían. Agora falan os feitos e o reparcelamento do polígono da Pasaxe é hoxe unha realidade”. Así o manifestou esta mañá o rexedor de Gondomar, Paco Ferreira, tras formalizar, xunto ao presidente da Asociación de Empresarios da Pasaxe, Javier Díaz, o proxecto de reparcelamento e  equidistribución de cargas e beneficios.

n

O rexedor lembrou que con esta medida ponse fin a “un traballo laborioso e complicado” que atende unha demanda histórica dos empresarios e que pon no seu lugar o polígono industrial da Pasaxe “que é un dos mellor situados e que está chamado a converterse nun lugar de referencia para industrias de sectores tan importantes como a automoción”.

n

Pola súa banda Javier Díaz agradeceu a implicación de Paco Ferreira “porque a historia deixounos moitas veces ás portas e neste caso o seu empeño e traballo constante e serio permitiu que saia adiante un proxecto moi necesario e esperado.”

n

  Unha vez aprobada esta primeira fase trabállase xa na licitación das obras de urbanización que acometerán no polígono e que supoñerán un investimento de algo máis de 3.400.000 euros, cantidade que achegarán os empresarios a través do sistema de cooperación. O ámbito de actuación será de preto de 205.000 metros cadrados, superficie que na actualidade ocupan algo máis dun centenar de empresas.

n

O proxecto tramitouse e aprobado unicamente co respaldo do goberno local e a propia asociación empresarial. Nese sentido, Paco Ferreira, confía en que a Xunta de Galicia valore a posibilidade implicarse nalgún momento porque “A Pasaxe é o irmán orfo comparado con outros territorios, como pode ser Mos. Están en débeda non só co noso concello, se non tamén coa Asociación de Empresarios do parque industrial”.

n

Neste sentido destacou o papel da Zona Franca que xa anunciou que asumirá o desenvolvemento da segunda fase, na que se procederá á ampliación do polígono en preto de 400.000 metros cadrados, cun investimento comprometido de case 20 millóns de euros. 

n

Esta segunda fase, segundo explicou Paco Ferreira, poderase iniciar sen esperar a que conclúa o reparcelamento aprobado este venres. O alcalde anunciou a súa intención de reunirse a próxima semana co delegado do Consorcio, David  Regades, para “poñernos a traballar canto antes e seguir avanzando no camiño de modernización e ampliación do polígono”, que lembrou permitirá a creación de ata 7000 empregos directos, o dobre dos que ten actualmente.

n

 

n

photo6046609544227959012.jpg

n Fuente: Concello de Gondomar