#GONDOMAR A Praza da Paradela acollerá o I Rastrillo de Primavera o próximo 21 de marzo

O concello de Gondomar publicou xa as bases reguladoras da convocatoria desta nova iniciativa que, organizada pola Concellería de Comercio e Turismo, nace co obxectivo de “fomentar a reciclaxe, a convivencia e o troco” á vez que busca dinamizar o turismo, a gastronomía ou potenciar o comercio da vila. 

n

O I Rastrillo de Primavera celebrarase o próximo día 21 de marzo entre as 11.00 e as 20.00 horas da tarde, e a Praza da Paradela será o escenario no que se poderán colocar ata un máximo de 30 postos, segundo as bases publicadas pola Concellería de Turismo e Comercio.

n

Nelas estipúlase que só poderán participar particulares (persoas físicas) ou asociacións sen ánimo de lucro que acheguen “artigos persoais que queiran vender ou cambiar por outros para a súa reutilización”, brindando así aos veciños de Gondomar a posibilidade de sacar á rúa todo aquilo que non usan xa nas súas casas e si podería servir a outras familias.

n

Os postos, cunhas dimensións estipuladas, achegaranos os propios participantes que deberán identificalos cun distintivo que facilitará o concello e nos que non poderán exhibirse “ningunha marca comercial, nome de establecemento ou empresa, nin calquera outro tipo de publicidade”.

n

Os interesados en participar deberán presentar a documentación que se recolle nas bases publicadas na web www.concellodegondomar.gal e no Portal de Transparencia, nun prazo de 15 días. O procedemento de selección e asignación dos postos será por rigorosa orde de entrada no Rexistro municipal, e a súa distribución no Anciño correrá a cargo da concelleira responsable da área de Comercio e Turismo, Rocío Goberna. 

n Fuente: Concello de Gondomar