#GONDOMAR Gondomar informa os veciños sobre a súa obrigación de manter limpas as leiras para evitar o risco de incendios

n

n

n

O goberno local, a través da concellería de Medio, distribuirá preto de 3000 dípticos que lembran a obrigación dos veciños de manter limpas as súas propiedades para evitar que os incendios poidan achegarse a zonas habitadas, máxime nestes meses en de máximo risco.

n

 ​O díptico, recolle de forma gráfica e clara, as distancias mínimas que deben manterse entre as masas arbóreas e novas plantacións nos diferentes ámbitos nos que é responsabilidade dos veciños a limpeza. 

n

 Así, por exemplo, sinálanse os metros que deben manterse libres en perímetros urbanos, núcleos rurais e chans urbanizables delimitados; no caso das autoestradas ou estradas convencionais; ou, a superficie que debe manterse limpa no caso de vivendas illadas, depósitos de lixo, canles fluviais ou cultivos agrícolas entre outros.

n

 “Dunha maneira gráfica e sinxela queremos que os veciños teñan a información necesaria e lembren a súa responsabilidade na loita contra os incendios forestais. É un traballo común, de toda a sociedade e non só das administracións”, afirma o alcalde Paco Ferreira.

n

 Ademais nos dípticos facilítanse teléfonos de contacto cos organismos pertinentes para resolver calquera dúbida que poida existir, así como un recordatorio dos lugares nos que non se pode plantar e que especies están autorizadas pola lei. 

n

 

n

ed551fdb-5d1a-421d-9936-0d7d1d9d3a93.jpg 3c3889ab-2141-426c-b142-9b955c827f27.jpg

n Fuente: Concello de Gondomar