[GONDOMAR] I Xornada de Sendeirismo Consciente- Ioga coa natureza

Serán o domingo 9 e o sábado 22 de marzo
Os/as interesados/as poden realizar a inscrición previa na oficina do Pavillón de Deportes, de 18.00 a 20.00 horas, ou no teléfono 608 748 393

O vindeiro domingo día 9 e o sábado 22 de marzo terá lugar en Gondomar a I Xornada de Sendeirismo Consciente, organizada por mundonatura.org en colaboración co Concello de Gondomar.
Esta actividade que combina a natureza, o sendeirismo e o ioga ten por obxectivo proporcionar aos participantes un respiro do seu día a día integrando unha parte meditativa e deportiva con outra lúdica e de placer, realizadas en plena natureza.
As saídas terán lugar ás 10.00 horas do Pavillón de Deportes. O prezo por día é de 3 euros debendo aboalos ao inicio da actividade.
Os/as interesados/as poden realizar a inscrición previa na oficina do Pavillón de Deportes, de 18.00 a 20.00 horas, ou no teléfono 608 748 393.
Máis información en ...leer más...

[GONDOMAR] O Concello de Gondomar reduciu a súa facturación eléctrica case un 20%, en 2013

Esta redución supuxo un aforro para as arcas municipais de 89.615 euros

No 2012 o Concello de Gondomar aboou a Fenosa 453.502 € e no 2013, 363.887 €

O Concello de Gondomar reduciu a facturación de Fenosa no 2013 case un 20% con respecto ao 2012, o que supón un aforro para as arcas municipais de 89.615 €. No 2012 o Concello de Gondomar aboou a Fenosa 453.502 € e no 2013, 363.887 €.
En concreto, no pasado ano 2013 aforraron 41.695 euros, un 15,3%, nas subministracións de último recurso (menos de 10 KW) e 47.920 euros, un 26,6%, nas subministracións de mercado libre (máis de 10 KW).
Este aforro conseguiuse a pesar de aumentar as subministracións eléctricas municipais dende 2011, algúns deles cun consumo significativo (gardaría municipal, a iluminación no barrio Fontán, iluminación da Urbanización San Benito, bombeo de Peitieiros, bombeo de Cruceiro- Donas…) o que supón un esforzo aínda maior.
O concelleiro de Servicios, Juan Carlos González Camesella, afirma que “este aforro é o froito do traballo na xestión de das subministracións eléctricas municipais”, e engade que “foi posible grazas a actuacións como pasar a facturación das subministracións de máis de 10 KW a mercado libre e o gran traballo dos electricistas municipais nos axustes e redución de potencias”. ...leer más...

[GONDOMAR] O servizo de Conservación de Estradas da Xunta acomete a limpeza dos entullos depositados en Pego Negro, en Vincios

A actuación levouse a cabo grazas á colaboración entre as concellarías de Vías e Obras e de Medio Ambiente coa Administración Autonómica

Nos próximos días operarios municipais levarán a cabo a limpeza do noiro do río Zamáns nesta zona

Pego Negro2As concellarías de Vías e Obras e de Medio Ambiente do Concello de Gondomar xestionaron co servizo de Conservación de Estradas da Xunta de Galicia a limpeza dos entullos depositados na zona de Pego Negro, en Vincios.
O pasado martes unha brigada do servizo de Conservación retiraba todos os entullos depositado na marxe deste vial e procederon a acondicionar a zona.
Nos próximos días operarios municipais levarán a cabo a limpeza do talud do río Zamáns nesta zona.
Concello e Xunta estudan agora, a posibilidade de restrinxir o tráfico de vehículos no tramo de estrada vella de Pego Negro para tratar de evitar, así, os continuos vertidos que alí se producen, contaminando unha zona dunha gran beleza natural como é a canle do río Zamáns e a antiga captación de auga.
Por outra parte, o servizo de Conservación de Estradas da Xunta tamén se comprometeu a retirar os entullos depositados na zona de Areiña, en Vilaza.
O concelleiro de Vías e Obras, Jesús Salgueiro, afirma que esta actuación “pon de manifesto o grao de colaboración entre administracións que está a levar a cabo este goberno municipal”. ...leer más...

[GONDOMAR] Gondomar conmemorará o Día da Muller cunha Carreira a prol da Igualdade

Percorrerá as rúas do Concello desde as 12.20 horas de mañá venres

Xunto con esta actividade a Concellaría de Igualdade tamén levará a cabo o Concurso a prol da corresponsabilidade

CIRCUITO

Como conmemoración do Día Internacional da Muller, o Concello de Gondomar organiza, a través da Concellaría de Igualdade, para mañá venres as seguintes actividades:

Carreira a prol da Igualdade

En colaboración cos IES Auga da Laxe e Terra de Turonio farase unha carreira a prol da igualdade, contando con 111 alumnos/as participantes de 3º da ESO.

A carreira desenvolverase a partir das 12.20 horas polas rúas do Concello co gallo de favorecer a visibilidade da actividade.

Nun primeiro momento e antes de comezar a carreira, dividirase ás persoas participantes en parellas, promovendo o establecemento de parellas mixtas (rapaza-rapaz). A cada persoa participante se lle entregará un mandil co logo da carreira. ...leer más...

[GONDOMAR] Máis de 300 judokas déronse cita na primeira xornada do XogaJudo, celebrada en Gondomar

A competición reuniu 335 rapaces e rapazas de entre 11 e 14 anos, 88 na categoría feminina e 247 na masculina

Gondomar conta este ano, por primeira vez, cunha escola municipal de judo implantada pola Deputación provincial

jornada4O pasado sábado, 1 de marzo, o Pavillón de Deportes de Gondomar acolleu a primeira xornada da Fase Sur de XogaJudo.
A competición deu comezo ás 11.00 horas con numeroso público asistente e finalizou ás 13.00 horas. Nela participaron un total de 335 judokas crías e infantís de entre 11 e 14 anos, (70 infantil masculino, 26 infantil feminino, 177 cría masculina e 62 cría feminina) de clubs de Pontevedra (38), Santiago (17) e Ourense (1).

Ao longo da mañá foron pasando polos 10 tatamis preparados pola organización, os 335 judokas, masculinos e femininos, divididos en distintas ligas organizadas por categorías de idade e peso. ...leer más...

[GONDOMAR] A Gran Carreira pedestre da comparsa escolar, Corre coa túa máscara! congrega a 1200 nenos e nenas nas rúas de Gondomar

O desfile partiu ás 11.00 horas dende o Pavillón de Deportes e percorreu as principais rúas do municipio durante unha hora

Na proba participaron alumnos/as de 7 centros educativos do Concello

Esta mañá, e a pesar de que o tempo ameazaba chuvia, máis de 1000 nenos e nenas de Gondomar desfilaron cos seus disfraces polas rúas do municipio na Gran Carreira pedestre da comparsa escolar, Corre coa túa máscara!

A carreira saíu ás 11.00 horas dende o Pavillón de Deportes e percorreu as principais rúas do casco de Gondomar durante unha hora aproximadamente, volvendo ao Pavillón de Deportes.

A Concellaría de Cultura e Festexos apostou, outro ano máis, por esta proba que, edición tras edición afianza o seu éxito entre os máis pequenos. Nesta ocasión participaron 1200 nenos e nenas de 7 centros educativos do municipio (IES Terra Turonio, IES Auga da Laxe, CEIP Chano Piñeiro, CEIP Xosé Neira Vilas, Escola Unitaria de Mañufe e os nenos e nenas do C.R.A. e da Galiña Azul). ...leer más...

[GONDOMAR] Curso homologado de monitor de lecer e tempo libre

Os interesados/as poderán inscribirse na OMIX de Gondomar ata o vindeiro 17 de marzo

A través da Concellaría de Xuventude do Concello de Gondomar, vaise levar a cabo un curso de MONITOR DE LECER E TEMPO LIBRE, homologado pola Xunta de Galicia.

Este curso realizarase do 21 de marzo ao 14 de xuño, en horario intensivo de fins de semana: venres (de 17:00 a 21:00), sábados (de 09:00 a 14:00 e de 16:00 a 21:00h) e domingos (de 09:00 a 14:00 h). Consta dun total de 350 horas, das cales 200 serán teóricas e 150 prácticas en distintas entidades de ocio.

A actividade ten por obxectivo ofrecer aos alumnos/as unha formación especializada en actividades deportivas no medio natural e intervención con persoas con discapacidade.

O custe deste curso é de 220€. Se se dispón de carné Xove, tarxeta de demandante de emprego ou no caso de apuntarse cun amigo, realizarase un desconto de 20 euros. Neste prezo vai incluído unha fin de semana de acampada . ...leer más...

[GONDOMAR] Un total de 15 comparsas participarán no tradicional Gran Desfile de Comparsas de Gondomar

Será o próximo domingo, 2 de marzo, a partir das 16.00 horas

A entrega de premios realizarase o martes día 4, a partir das 00.00 horas

20 percorrido comparsas 2014Un ano máis, a Concellaría de Cultura e Festexos de Gondomar que dirixe Ignacio Troncoso, organiza como acto principal deste Entroido 2014 o tradicional Gran Desfile de Comparsas, que se celebrará o domingo día 2 de marzo.

Treboada (Tomiño) e Animar-T darán comezo á xornada animando as rúas do municipio desde as 15.30 horas, ata a lectura do pregón, que este ano correrá a cargo do Gondomar C.F., co motivo da celebración do seu centenario.

O trío Azar será o encargado de presentar o desfile que dará comezo a partir das 16.00 horas e no que participarán un total de 15 comparsas vidas de Nigrán, Tui, Tomiño, A Guarda, Vigo e Gondomar.

A orde de participación será a seguinte: ...leer más...

[GONDOMAR] O equipo infantil feminino do Club de Tenis Gondomar xogará a final da Liga Galega de Tenis Infantil de Primeira contra o Club Tenis Coruña

Será o sábado 1 de marzo, nas instalacións do Club de Tenis Gondomar

equipo infantil femenino2

O pasado 22 de febreiro disputáronse as semifinais da Liga Galega de Tenis Infantil de Primeira nas que resultaron vencedoras as rapazas do equipo infantil feminino do Club de Tenis Gondomar. Despois de moito esforzo e adestramento, estas tres rapazas conseguiron a vitoria no seu enfrontamento contra o Casino Ferrolano por 4-0.

O seguinte paso será disputar a final contra o Club Tenis Coruña. A cita será o sábado, 8 de marzo dende as 10.00 horas, nas instalacións do Club de Tenis do municipio.

Natalia Salgueiro, concelleira de Deportes, felicita ao Club de Tenis Gondomar e en especial ao seu equipo infantil feminino polos logros alcanzados e quere animar os veciños e veciñas do municipio a que o próximo sábado se acheguen ás inmediacións do Club para apoiar o equipo. ...leer más...

[GONDOMAR] A Deputación de Pontevedra convoca os Campamentos de Verán para os nenos e nenas da provincia

Están convocados os campamentos do Centro de Vacacións da Lanzada e os Campamentos Polideportivos Principe Felipe

A Deputación de Pontevedra ven de convocar os campamentos de verán para este periodo estival de 2014 no Centro de Vacacións da Lanzada. Estes campamentos son un proxecto lúdico e educativo que inclúe a programación e o desenvolvemento de actividades relacionadas coa natureza, artísticas, deportes e xogos, entre outros.

A estes campamentos pódense anotar os rapaces nacidos entre os anos 2001 e 2006, ambos os dous incluídos, que teñan o seu domicilio habitual en calquera dos concellos da provincia de Pontevedra. O prezo por rapaz sería de 83,60 € e serán recollidas as solicitudes do 27 de febreiro ata 28 de marzo do 2014 na OMIX do Concello de Gondomar ...leer más...

[GONDOMAR] Gondomar acollerá a primeira das xornadas da Fase Sur de XogaJudo

A competición celebrarase o vindeiro sábado 1 de marzo, ás 11.00 horas no Pavillón de Deportes do municipio

Esta mañá tivo lugar, no Centro Neural, a presentación desta actividade organizada pola Federación Galega de Judo baixo o patrocinio da Secretaría Xeral para o Deporte da Xunta de Galicia

No acto estiveron presentes o alcalde, Fernando Guitián, a concelleira de Deportes, Natalia Salgueiro, o Presidente da Federación Galega de Judo, Mario M. Muzas e responsables da Secretaría Xeral para o Deporte da Xunta de Galicia

XogaJudo3

O Centro Neural de Gondomar acolleu, esta mañá, a presentación de XogaJudo, unha actividade organizada pola Federación Galega de Judo e enmarcada dentro do programa Xogade da Secretaría Xeral para o Deporte da Xunta de Galicia.

A actividade, na que participan aproximadamente 1500 rapaces e rapazas en toda a provincia, ten como principais obxectivos iniciar aos nenos e nenas na competición deportiva dun xeito sinxelo e divertido; ademais de estimular e educar cun regulamento que dá prioridade a valores como o compañeirismo por riba do resultado deportivo. ...leer más...

[GONDOMAR] Gondomar prepárase para o Entroido cunha programación para grandes e pequenos

O tradicional Gran Desfile de Comparsas, acto principal do Entroido 2014, terá lugar o domingo 2 de marzo

Os máis pequenos tamén terán un oco na programación do Entroido coa Carreira pedestre, ‘Corre coa túa máscara!, a festa e o desfile infantil

Un ano máis Gondomar celebra o Entroido cunha programación chea de actividades. A Concellaría de Cultura e Festexos de Gondomar que dirixe Ignacio Troncoso, organiza como acto principal deste Entroido 2014 o tradicional Gran Desfile de Comparsas, que se celebrará o domingo día 2 de marzo.

Abrirá a xornada a lectura do pregón, que correrá a cargo do Gondomar C.F., co motivo da celebración do seu centenario. O trío Azar será o encargado de presentar o desfile que dará comezo a partir das 16.00 horas e no que participarán un total de 15 comparsas vidas de Nigrán, Tui, Tomiño, A Guarda, Vigo e Gondomar. ...leer más...

[GONDOMAR] O CIM de Gondomar organiza un curso de Dinamización da empresa a través de internet e as redes sociais

A acción formativa está dirixida, preferentemente, a 15 mulleres de Gondomar

As persoas interesadas deberán formalizar a súa inscrición no CIM do municipio ata o próximo 5 de marzo

A Concellaría de Igualdade a través do Centro de Información á Muller dá comezo ás accións formativas presenciais co curso de Dinamización da empresa a través de internet e as redes sociais.

O curso, dirixido preferentemente a 15 mulleres de Gondomar, conta cunha formación de 60 horas distribuídas do seguinte xeito:

  • Módulo I (20 h): ofimática básica e internet
  • Módulo II (20 h): expansión da empresa en redes sociais
  • Módulo III (20): supostos prácticos empresariais

Esta acción formativa desenvolverase dende o 11 de marzo ata o 14 de abril.

As persoas interesadas deberán formalizar a súa inscrición, ata o 5 de marzo, no CIM do municipio debendo presentar o DNI, volante de empadroamento, tarxeta de desemprego e currículum.

Máis información no teléfono 986 389 355 ou no correo ...leer más...

[GONDOMAR] Unha estación móbil da ITV visitará Gondomar desde mañá

Os interesados/as poden solicitar a cita previa no teléfono 881 920 981

Gondomar, 17 de febreiro de 2013. – O Concello de Gondomar, a través da Concellaría de Tráfico, facilitará aos seus veciños/as a revisión dos seus vehículos de menos de 3500 kg de MMA, grazas á estación de ITV móbil que se trasladará ao municipio. A estación móbil da ITV situarase no aparcadoiro da zona de Ánimas dende mañá e ata o próximo 27 de febreiro.

Os interesados/as poden solicitar a cita previa no teléfono 881 920 981.

Fuente: Concello de Gondomar

[GONDOMAR] Certame literario Don Diego Sarmiento de Acuña, Conde de Gondomar

O Concello de Gondomar, para contribuír a potenciar a creatividade literaria da mocidade en lingua galega, convoca con carácter anual o Premio Literario Don Diego Sarmiento de Acuña, Conde de Gondomar. Nes certame sstablécense dúas modalidades, Poesía e Relato Curto e poderán concorrer todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos.
Os e as participantes poderán presentar, individualmente, unha única obra, por cada unha das modalidades, de tema libre.

Podense descargar as bases no seguinte enlace [Descarga]

Fuente: Concello de Gondomar

[GONDOMAR] A OMIX da comezo a súa primeira acción formativa neste ano 2014

A OMIX da comezo a un novo curso de mecanografía organizado pola Concellería de Xuventude

Actualmente a mecanografía é unha habilidade moi importante que debe ter calquera persoa. Con este curso aprenderás e adquirirás soltura e seguridade reducindo o tempo que tardas cando escribes e aumentando a viabilidade do teu currículo profesional .
Este curso terá lugar do 3-21 de marzo en horario de 16:30 a 18:30 na Aula de Informática do Centro de Desenvolvemento Local do Concello de Gondomar.
Se estas interesado debes inscribirte na OMIX de Gondomar cubrindo unha solicitude, fotocopia DNI e volante de empadroamento. Para inscribirte tes do 11-27 de febreiro, para máis información na OMIX Gondomar 986.369.746

Fuente: Concello de Gondomar

[GONDOMAR] A Brigada de Obras patrulla Gondomar para facer fronte aos imprevistos causados polo temporal

Nestes días lévanse retirado un total de sete muros derribados polo vento, así como numerosas árbores que cortaban varios camiños do municipio

O temporal que azouta a comarca estes días está a causar graves danos, zonas verdes e viais polo que a brigada de Vías e Obras do Concello de Gondomar está a traballar para solucionar estes danos.

Ata agora lévanse retirado un total de sete muros derribados polo temporal, así como numerosas árbores que cortaron varios viais do municipio. Doutra banda, os membros da Brigada de Obras están a patrullar os distintos puntos do municipio para facer fronte a posibles imprevistos.

Así mesmo, recoméndase retirar macetas e todos aqueles obxectos que poidan caer á rúa e provocar un accidente, ademais de asegurar elementos como los toldos ou persianas. Na rúa, convén afastarse de cornisas, muros ou árbores, que poidan chegar a desprenderse e tomar precaucións diante de edificios en construción ou en mal estado. Tamén, no caso de verse obrigado a desprazarse por estrada débense extremar as precaucións pola posible presenza de obstáculos na vía e informarse das condicións meteorolóxicas da zona á que viaxa. ...leer más...

[GONDOMAR] Entrega de diplomas dos cursos baixo a modalidade de formación on-line

Estes cursos, de carácter gratuíto, formaron a un total de 75 persoas

O Concello de Gondomar xa traballa con esta metodoloxía desde os últimos seis anos

formacion-on-lineO Alcalde de Gondomar, Fernando Guitián, e a Concelleira de Igualdade, Patricia Durán fixeron entrega, onte, dos diplomas dos cursos realizados baixo a modalidade de FORMACIÓN ON-LINE. Este tipo de formación baseouse nunha metodoloxía flexible coa que o Concello de Gondomar xa traballa desde os últimos seis anos.

Ao igual que en edicións pasadas os cursos foron gratuítos, de 85 horas de formación a excepción de “Prevención de riscos laborais” que foi de 60 horas, e foron destinados preferentemente a mulleres empregadas e desempregadas empadroadas no Concello de Gondomar. Engadir que se formaron un total de 75 persoas cuxas prazas foron adxudicadas por orde de formalización de inscrición, sempre e cando se cumpriron cos requisitos. ...leer más...

[GONDOMAR] O Concello de Gondomar faise cargo da recollida e sacrificio de dous cabalos salvaxes nun mes

Ambos os dous animais foron examinados previamente polos servizos veterinarios e, ante o mal estado que presentabas debido ás súas feridas, decidiuse sacrificalos
Dada a imposibilidade de identificar os propietarios dos dous cabalos, a concellaría de Medio Ambiente do Concello será a encargada de custear os gastos tanto médicos como de transporte

O Concello de Gondomar fíxose cargo, nun mes, da recollida e sacrificio de dous cabalos salvaxes accidentados no municipio.
O primeiro deles foi localizado na parroquia de Morgadáns, no lugar de Murxido. Recibido o aviso, mobilizouse a Policía Local e deuse aviso aos servizos veterinarios. Tras examinar o animal que se lanzara por un terraplén impactando contra a calzada, os servizos veterinarios aconsellaron sacrificalo debido á gravidade de feridas que presentaba. Unha vez sacrificado, o corpo do animal foi recollido por un xestor autorizado.
O segundo dos casos tivo lugar no vial do Galiñeiro. Nesta ocasión tratouse dun poldro ferido na calzada, que unha vez mobilizado o mesmo operativo e examinado, tamén foi sacrificado debido ao seu mal estado.
Dada a imposibilidade de identificar os propietarios dos animais, os gastos, tanto médicos coma de transporte, ocasionados por estes incidentes serán custeados pola concellaría de Medio Ambiente, segundo informa Juan Carlos González Camesella, edil responsable do departamento. ...leer más...

[GONDOMAR] O Concello de Gondomar abre o prazo de presentación de solicitudes para cubrir dúas prazas de Policía Local

O prazo de presentación de solicitudes é de 20 días naturais a contar dende o seguinte a publicación do anuncio da convocatoria no Boletín Oficial do Estado do 20 de xaneiro de 2014
As Bases da Convocatoria están dispoñibles no Departamento de Rexistro do Concello e na páxina web

O Concello de Gondomar informa do inicio do proceso selectivo para a provisión de dúas prazas de funcionario de carreira de Policía Local, mediante o sistema de oposición en quenda libre.
As bases que rexen a convocatoria foron publicadas no Boletín Oficial da Provincia, núm.227, do 26 de novembro de 2013. Así mesmo, publicouse o extracto da convocatoria no Diario Oficial de Galicia, núm. 247, do 27 de decembro de 2013, e no Boletín Oficial do Estado o 20 de xaneiro de 2014.
Os requisitos que deben reunir os aspirantes aparecen especificados nas Bases da Convocatoria dispoñibles no Departamento de Rexistro do Concello e na páxina web e deberán ser acreditados na data na que remate o prazo de presentación de instancias da convocatoria correspondente.
O prazo de presentación de solicitudes é de 20 días naturais a contar dende o seguinte á publicación do anuncio da convocatoria no Boletín Oficial do Estado do 20 de xaneiro de 2014. ...leer más...

[GONDOMAR] Fernando Guitián e Patricia Durán fan entrega das Axendas pola Igualdade nos distintos colexios do concello

Esta iniciativa implicou a 111 rapaces e rapazas de 4º de primaria na resolución das desigualdades de xénero

Axendas pola Igualdade é un proxecto enmarcado dentro do VI Plan Galego para a igualdade entre mulleres e homes do Concello de Gondomar 2012-2015

agendas1O alcalde de Gondomar, Fernando Guitián, acompañado pola concelleira de Igualdade, Patricia Durán fixo entrega onte, nos distintos colexios do municipio, das Axendas pola Igualdade.

Esta iniciativa implicou a 111 rapaces e rapazas de 4º de primaria dos catro CEIP do concello na resolución das desigualdades de xénero, de xeito que estes asumiron o protagonismo e actuaron como axentes dinamizadores do cambio na sociedade.

Sensibilizando e documentando a estes rapaces, foron capaces de deseñar e realizar unha Axenda Escolar de uso persoal que terán presentes durante todo o ano con contido comprometido coa igualdade entre mulleres e homes e contra a violencia de xénero. ...leer más...

[GONDOMAR] Gran actuación de Martín Pintos e Anxo Iglesias no vixésimo Open de Portugal Infantil e Cadete

Ambos os dous xogadores da A.D. Vincios formaron parte da selección que España presentou á competición

Anxo Iglesia e Martin PintosOs xogadores da A.D. Vincios de tenis de mesa, Martín Pintos e Anxo Iglesias, formaron parte da selección que España presentou ao o vixésimo Open de Portugal infantil e cadete, celebrado a finais de decembro en Vila Nova de Gaia.

Martín Pintos, e a súa parella na proba de equipos, o vigués Pedro Fernández, estiveron a piques de clasificarse para disputar os postos de honra do torneo. Anxo Iglesias, que formou equipo co madrileño Gonzalo Herranz, tamén tivo unha boa actuación.

Nas probas individuais, Martín Pintos quedou primeiro do seu grupo e accedeu aos oitavos de final, onde perdeu contra o holandés Roel Bogie. Anxo Iglesias disputou o Open B onde caeu diante do portugués David Bessa por un axustado 3-2. ...leer más...

[GONDOMAR] Clausura do curso de Cestaría do programa ‘Pensa en ti’ da Deputación de Pontevedra

Fernando Guitián, alcalde de Gondomar asistiu ao acto acompañado por concelleiros da corporación
O curso, que se desenvolveu en horario de mañá, contou con 20 alumnos/as
A actividade forma parte do programa social ‘Pensa en ti’ da Deputación Provincial

curso-cesteria

Fernando Guitián, alcalde de Gondomar acompañado por concelleiros do grupo de goberno asistiu onte á clausura do curso de cestaría desenvolvido no Centro Cultural de Mañufe.
O curso desenvolveuse en horario de mañá e contou coa participación de 20 alumnos e alumnas. Durante as sesións, os asistentes aprenderon as distintas variedades e técnicas no que a confección en vimbio se refire para, finalmente, poñelas en práctica e elaborar todos aqueles produtos que a súa imaxinación e destreza lles permitiran.

Programa ‘Pensa en ti’

A actividade forma parte do programa ‘Pensa en ti’ da Deputación de Pontevedra, dirixido a Asociacións de mulleres e homes da provincia.
Este programa de carácter social ten como obxecto posibilitar o acceso dos participantes ás diferentes actividades nas áreas que lle permitan o seu desenvolvemento individual e grupal, promover novos campos de interese e traballo creativo, así como en xeral promover, fomentar e mellorar a situación dos participantes. ...leer más...

[GONDOMAR] Xesús Vázquez Abad comproba o avance das obras de reforma do Auditorio Lois Tobío

As actuacións contan cunha inversión total de 250.000 euros, dos cales a Consellería de Cultura, Educación e Ordenación Universitaria aporta 170.000 euros
O obxectivo da reforma é que Gondomar conte cun espazo onde ofrecer unha programación cultural de calidade

auditorioO conselleiro de Cultura, Educación e Ordenación Universitaria, Xesús Vázquez Abad, visitou onte Gondomar para comprobar o avance das obras de mellora que se están a realizar nas instalacións do Auditorio Lois Tobío, nas que a Consellería colabora cun total de 170.000 euros.
A actuación, que conta cun orzamento total de 250.000 euros, ten por obxectivo adecuar e mellorar os espazos do edificio para mellorar os servizos que se ofrecen aos seus usuarios. Deste xeito, o proxecto abrangue entre as súas melloras:

  • Creación dunha zona de vestiarios inexistente ata agora
  • Adecuación do vestíbulo e aseos
  • Habilitarase unha nova entrada ao Auditorio. A situación da entrada actual, situada nun lateral, interrompía o desenvolvemento dos espectáculos dadas as entradas e saídas do público
  • Creación dunha zona de carga e descarga
  • Adecuación da platea para outros usos
  • Mellorarase o acceso ao escenario á persoas con mobilidade reducida ou problemas de visión

O conselleiro, que estivo acompañado na súa visita polo secretario xeral de Cultura, Anxo Lorenzo e polo alcalde de Gondomar, Fernando Guitián, explicou que esta actuación “enmárcase nunha aposta por parte da Consellería de Cultura e Educación para acondicionar e equipar as infraestruturas de carácter sociocultural que non se atopan en condicións óptimas para o seu uso e así conseguir que os distintos concellos de Galicia poidan ofrecer á poboación unha oferta sociocultural diversa e de calidade”.
Pola súa banda, o rexedor gondomareño amosouse moi satisfeito co proxecto. “Estas obras converterán ao Lois Tobío nun auditorio acorde á programación cultural que alberga, ademais de mellorar a calidade dos servizos que aquí lles ofrecemos aos nosos veciños e veciñas”, afirma. ...leer más...

[GONDOMAR] O Concello de Gondomar tramitou en 2013 un total de 100 licenzas

Desde que no 2012 se validasen as normas urbanísticas do plan do ’91 e grazas ao traballo do departamento de urbanismo, conseguiuse avanzar na tramitación de solicitudes de licenza que permanecían pendentes de resolución

Durante o pasado ano, o Concello de Gondomar concedeu un total de 100 licencias de obras maiores e menores. Desde que no ano 2012, se validase a aplicación da reviviscencia das normas urbanísticas do plan do ’91 sobre a delimitación de núcleos, o Concello de Gondomar conseguiu avanzar na tramitación de solicitudes de licenza que permanecían pendentes de resolución. A aprobación destas normas fixo posible afianzar a plena validez xurídica das licenzas que a partir de entón, e amparadas na reviviscencia de ditas normas, se concedan aos veciños e veciñas de Gondomar.
Deste xeito, e grazas ao traballo e xestións do persoal que conforma o departamento de Urbanismo, no pasado ano 2013 aprobáronse un total de 100 licenzas urbanísticas. Carlos Lameiro, responsable do departamento, recoñece que isto “supón unha proba de que Gondomar se está reactivando urbanisticamente e de que este goberno está a facer as cousas polo bo camiño”. ...leer más...

[GONDOMAR] Mañá abre o prazo de inscrición para o concurso- desfile de comparsas do Entroido 2014

O horario será de luns a venres de 9.00 a 13.30 horas e sábados de 9.00 a 13.00 no Rexistro do Concello de Gondomar ata o sábado 15 de febreiro

As bases xa se poden consultar na páxina web do concello: www.concellodegondomar.info

Un ano máis a Concellaría de Festexos de Gondomar organiza o tradicional Gran Desfile de Comparsas, acto principal do ‘Entroido 2014’ que se celebrará o domingo día 2 de marzo a partir das 16.00 horas.

Aquelas comparsas que desexen participar no desfile deberán inscribirse de luns a venres de 9.00 a 13.30 horas e sábados de 9.00 a 13.00 no Rexistro do Concello de Gondomar. O prazo de inscrición rematará o sábado, día 15 de febreiro ás 13.00 horas.

Cada comparsa, rexistradas ou informais, deberá estar composta dun mínimo de 20 persoas adultas e terá que presentar a seguinte documentación: ...leer más...

[GONDOMAR] Entrega de diplomas do curso de Limpeza de superficies e mobiliario en edificios e locais

O alcalde do municipio, Fernando Guitián, fixo entrega xunto coa concelleira de Formación e Emprego, Natalia Salgueiro, dos diplomas acreditativos
Nesta acción formativa participaron 15 desempregados/as da zona

O curso conta co novo certificado de profesionalidade

O alcalde de Gondomar, Fernando Guitián, acompañado pola concelleira de Formación e Emprego, Natalia Salgueiro, fixo entrega onte dos diplomas acreditativos aos 15 alumnos e alumnas do curso de Limpeza de superficies e mobiliario en edificios e locais.

A actividade, de 248 horas de duración, dividiuse entre clases teóricas e constou de 80 horas de formación práctica en empresas da zona.
Esta acción formativa, cuxo presuposto ascende a 25.084’60 euros, estivo cofinanciado polo Fondo Social Europeo e conta co novo certificado de profesionalidade. ...leer más...

Fernando Guitián e Patricia Durán clausuran o GondoNadal

Na actividade, que se desenvolveu dende o pasado 23 de decembro, participaron 30 nenos e nenas de entre 3 e 8 anos

Patricia Durán quere mostrar o seu agradecemento a todos os que participaron e fixeron posible esta edición do GondoNadal

O alcalde de Gondomar,Fernando Guitián, acompañado pola concelleira de Igualdade, Patricia Durán, clausurou, esta mañá, no CEIP Chano Piñeiro o GONDONADAL, o programa de ocio e tempo libre posto en marcha pola Concellaría de Igualdade, a través do Centro de Información á Muller, e no que participaron 30 nenos e nenas de entre 3 e 8 anos.

Neste último día do GondoNadal houbo diversión para todos. Dende as 12.30 e ata as 13.30 horas; nenos, pais e avós puideron participar xuntos na realización de diversos xogos populares como a corda, carreiras de sacos, zancos, etc… ...leer más...

O Concello repartiu máis de 75.000 euros entre as asociacións e colectivos do municipio no pasado 2013

As subvencións alcanzaron un total de 75.150 euros e foron adxudicadas entre 62 colectivos

O Concello de Gondomar segue apostando por fortalecer as axudas ao tecido asociativo, básico para garantir a cohesión social entre os distintos colectivos do municipio. Por este motivo, o goberno local continuou no pasado 2013 co seu compromiso coas entidades sociais, culturais e deportivas o que se traduciu nun aumento dos colectivos subvencionados, pasando de 53 entidades no ano 2012 a 62 no pasado 2013.

O desembolso supuxo un total de 75.150 euros. As subvencións destinadas a fins sociais foron concedidas a 20 entidades, alcanzando un total de 23.050,00 euros. No relativo ao terreo cultural, foron 17.100,00 euros os repartidos entre 25 entidades. Finalmente, os colectivos deportivos beneficiáronse dun total de 35.000,00 € repartidos entre 17 entidades. ...leer más...