[GONDOMAR] Manolo Sanchís visitará Gondomar, por segundo ano consecutivo, co seu Campus de Verán de fútbol

Terá lugar nas instalacións do campo de Fútbol Municipal de As Cercas durante o mes de xullo
A inscrición xa está aberta ata que se cubran todas as prazas

O Concello de Gondomar, a través da concellaría de Deportes, colabora coa posta en marcha do ‘Campus de verán Manolo Sanchís’, que terá lugar nas instalacións do campo de Fútbol Municipal de As Cercas durante o mes de xullo, para nenos e nenas de entre os 6 e 16 anos.

O campus dividirase en dúas quendas que terán lugar do 7 ao 11 de xullo e do 14 ao 18, de luns a venres en horario de 10.00 a 14.00 horas.

O custo será de 100€ para as dúas semanas e 60 € para unha delas. Ademais, haberá un desconto de 10 € no primeiro irmán e desconto de 15 € a partir do segundo (dous irmáns pagarían 80 € cada un en caso de vir as dúas semanas, 3 irmáns pagarían 75 € cada un polas dúas semanas). ...leer más...

[GONDOMAR] Xuventude organiza por segundo ano o campamento de inmersión lingüística Hi!! Gondomar Camp

O prazo de inscrición abrirase o próximo luns 12 e estará aberto ata o 31 de maio

Está dirixido a mozos/as de entre 12 e 17 anos e desenvolverase do 1 ao 18 de xullo

O Concello de Gondomar, a través da Concellaría de Xuventude, vai por en marcha, por segundo ano consecutivo, un campamento de inmersión lingüística para mozos/as de entre 12 e 17 anos.

Hi!! Gondomar Camp é un campamento de lecer e tempo libre en inglés para a mocidade preferentemente do Concello de Gondomar, cun dobre obxectivo. Por unha banda, mellorar o uso dun idioma distinto ao propio, sendo este un dos piares fundamentais dos sistemas educativos actuais; mentres que por outra parte, busca ofrecer un espazo de ocio educativo, cultural e creativo no que os mozos e mozas deste Concello ocupen o seu tempo de lecer de vacacións, contribuíndo así de forma esencial a formación integral da mocidade de Gondomar. ...leer más...

[GONDOMAR] Barriga Verde será o protagonista da primeira xornada do II Festival Internacional de Teatro Ponte… Na Escena

A figura de Barriga Verde centrará as propostas da Asociación Morreu o Demo: por unha banda, o espectáculo Barriga Verde, con execución da compañía Viravolta Títeres; e por outra, o documental Morreu o Demo. Acabouse a peseta
Ademais, tamén contará cunha presenza constante ao longo do festival coa exposición Onde foi Barriga Verde? no Auditorio Lois Tobío, aberta ao público e ás visitas escolares

Mañá xoves, dá comezo a programación cultural incluída dentro da 2ª edición do Festival Internacional de Teatro Ponte… Na Escena, organizado pola Concellaría de Cultura de Gondomar xunto con Ponte… Nas Ondas e Limiar Teatro.

Para esta primeira xornada a organización programou dous eventos cun claro obxectivo: a recuperación dunha das expresións do noso patrimonio inmaterial, Barriga Verde, proposta ambiciosa da «Asociación Morreu o demo», coa execución de Viravolta Títeres que terá, ademais, unha presenza constante ao longo do festival coa exposición Onde foi Barriga Verde? no Auditorio Lois Tobío, aberta ao público e ás visitas escolares. ...leer más...

[GONDOMAR] Aberto o prazo de preinscrición para acceso ó conservatorio elemental do Concello de Gondomar

Dende a Concellaría de Educación, dirixida por Paula Bouzós Barros, infórmase de que se abre o prazo de preinscrición para poder acceder as probas de acceso do conservatorio de música.

Se tes entre 8 e 14 anos e che interesa o mundo da música, aquí podes comezar os teus estudos oficiais e aprender a tocar un instrumento como pode ser a guitarra, piano, violín, viola, clarinete ou saxofón.

O prazo para a preinscrición vai do día 10 de maio ao 11 de xuño do 2014.

Mais información no 986.389.283 ( en horario de tarde) ou no 986.369.746 (en horario de mañá).

Fuente: Concello de Gondomar

[GONDOMAR] A OMIX de Gondomar oferta un curso de Habilidades Comerciais

O prazo de inscrición estará aberto ata o 28 de maio na OMIX do municipio

A raíz dos resultados do estudo para o Plan de Emprego Xuvenil que o Concello de Gondomar está a levar a cabo, detectouse, que unha das grandes eivas reside no sector do comercio.

Dende a Concellaría de Xuventude séguese a apostar pola xuventude, organizando un curso de HABILIDADES COMERCIAIS, para ofrecer aos/ás moz@s as ferramentas necesarias para ser un bo vendedor.

O curso vai dirixido prioritariamente a mozos/as de 18-35 anos do Concello de Gondomar e desempregados. Desenvolverase do 4 ao 19 de xuño en horario de mañá. O prazo de inscrición estará aberto ata o 28 de maio na OMIX Gondomar. As solicitudes tamén estarán dispoñibles a través da páxina web do Concello de Gondomar.

Para máis información 986.369.746 ou ...leer más...

[GONDOMAR] O A.D. Vincios / BADE Feminino de tenis de mesa fai historia en Zaragoza

vincios badeO A.D. Vincios / BADE acadou esta pasada fin de semana en Zaragoza, onde se disputou a fase de ascenso a División de Honra, un éxito histórico ao conseguir unha das prazas que dan dereito a participar na tempada que vén na categoría de elite do tenis de mesa español.

O equipo formado polas xogadoras Natalia Fernández, Lucía Graña e Eva Molina, baixo as ordes do adestrador Antonio Gregorio, venceron no partido decisivo ás anfitrionas, o Cai Santiago de Zaragoza, por un axustado 3-2.

É a primeira vez que a Agrupación Deportiva Vincios de Tenis de Mesa consegue o ascenso a División de Honra na categoría feminina, feito sen precedentes e consecuencia do bo traballo realizado polo club durante todos estes anos.

Fuente: Concello de Gondomar

[GONDOMAR] A II edición do Festival Internacional de Teatro Ponte… na Escena volve a Gondomar con máis días e novas propostas para todos os públicos

Terá lugar os días 8, 9, 10 e 11 de maio

O festival nace da vontade de crear un espazo para o intercambio e o troco no ámbito lusófono

A Concellaría de Cultura de Gondomar organiza por segundo ano consecutivo o evento, xunto con Ponte… nas Ondas e Limiar Teatro

Festival2

A Concellaría de Cultura de Gondomar organiza, por segundo ano consecutivo, xunto co proxecto Ponte… nas Ondas e Limiar Teatro a II edición do Festival Internacional de Teatro, que terá lugar en Gondomar os días 8, 9, 10 e 11 de maio.

Esta mañá tivo lugar a presentación da 2ª edición deste festival nun acto que contou coa presenza de Xesús Vázquez Abad, conselleiro de Cultura, Educación e Ordenación Universitaria; Anxo Lorenzo, Secretario Xeral de Cultura; o xefe territorial de Cultura e Educación de Pontevedra, César Pérez Ares; Fernando Guitián, Alcalde de Gondomar e Ignacio Troncoso, concelleiro de Cultura de Gondomar, e representantes de Ponte… nas Ondas, Santiago Veloso, e da compañía Limiar Teatro, Francisco Núñez. ...leer más...

[GONDOMAR] As rúas de Gondomar serán escenario da Final Provincial de Duatlón do programa Xogade da Xunta de Galicia

A proba celebrarase o próximo domingo, 4 de maio, en horario de 11.00 a 13.30 horas

A presentación desta mañá asistiron Luis Viñas, vicepresidente e responsable técnico da Federación Galega de Triatlón; Guillermo Reinaldo Barcia, coordinador de deportes do Servizo Provincial de Deporte de Pontevedra e Natalia Salgueiro, concelleira de Deportes de Gondomar

Duatlon

O pasado mércores día 30, na Casa de Cultura de Gondomar, tivo lugar a presentación da Final Provincial de Duatlón do programa ‘Xogade’ da Xunta de Galicia, que se celebrará o próximo domingo 4 de maio, en horario de 11.00 a 13.30 horas, nas inmediacións do campo municipal de As Cercas.

A proba, que está promovida pola Secretará Xeral para o Deporte, en colaboración coa Federación Galega de Triatlón (FEGRATI), o concello de Gondomar e o Club Triatlón Mar de Vigo, será clasificatoria para a final galega de Duatlón e constará de tres sectores: un primeiro que será carrera a pé, o segundo en bicicleta e o último a pé de novo. ...leer más...

[GONDOMAR] Gondomar concede as primeiras licenzas a furanchos tras a entrada en vigor da súa propia normativa

A nova normativa recolle os principios básicos do decreto xeral para toda a comunidade galega, publicado o 13 de novembro de 2012 no que se establece que a súa apertura non poderá superar dos tres meses por ano

Gondomar xa outorgou as primeiras licenzas a distintos furanchos do municipio, despois de aprobar unha normativa para regular o funcionamento destes establecementos.

A nova normativa recolle os principios básicos do decreto xeral para toda a comunidade galega, publicado o 13 de novembro de 2012. Deste modo, os furanchos gondomareños poderán abrir entre o 1 de decembro e o 30 de xuño, aínda que cada establecemento non poderá estar aberto máis de tres meses por ano.

Tras a publicación da normativa, o Concello ten a capacidade de regular, controlar e sancionar a actividade dos furanchos que funcionen dentro do termo municipal. Así, os propietarios deberán regularizar a súa actividade solicitando unha autorización de apertura ao Concello e cinguirse ao cumprimento das normas específicas. De non ser así, os propietarios enfrontaranse a sancións ou, de ser o caso, ao cesamento da actividade do establecemento. ...leer más...

[GONDOMAR] Curso de Aproximación ao Cristal en Gondomar

A actividade está organizado pola Fundación Centro Galego da Artesanía e do Deseño, en colaboración co Concello de Gondomar e a Asociación Galega de Artesáns Tradicionais

Máis información en www.xente.mundo-r.com/susiarmada

A Fundación Centro Galego da Artesanía e do Deseño, en colaboración co Concello de Gondomar e a Asociación Galega de Artesáns Tradicionais organizan o curso Aproximación ao cristal I- Elaboración de contas de vidrio coa técnica do soplete (Lampworking).

A actividade terá unha duración de 50 horas e impartirase do 28 abril ao 3 de Maio. Estará impartida por Susana Pereira Armada que, ademais de ser profesora de Lampworking, traballa no seu propio taller e dedícase aos accesorios e á moda. Máis información sobre o seu traballo en: www.xente.mundo-r.com/susiarmada ...leer más...

[GONDOMAR] Últimos días para presentar traballos á XII edición do Certame Literario Conde de Gondomar

Poderán participar todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos

Os traballos deberán ser remitidos antes deste mércores, 23 de abril, ás oficinas do Concello de Gondomar (Rexistro) ou ser entregados directamente no Rexistro

Desde a concellaría de Educación, dirixida por Paula Bouzós, infórmase de que os interesados en participar na XII edición do Certame Literario Don Diego Sarmiento de Acuña, Conde de Gondomar deberán remitir as súas obras antes deste mércores, día 23.

Nesta XII edición, establécense dúas modalidades, Poesía e Relato Curto. Poderán concorrer todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos.

Os participantes poderán presentar, individualmente, unha única obra, por cada unha das modalidades, de tema libre que deberá remitirse á seguinte dirección: Oficinas Concello de Gondomar (Rexistro), Praza Doutor Latino Salgueiro s/n 36380 Gondomar. Tamén se poderán entregar directamente no Rexistro do Concello. ...leer más...

[GONDOMAR] Comeza unha Semana Santa chea de deporte en Gondomar

O Concello propón unha Semana Santa chea de deporte coa celebración do IV Campus Deportivo de Semana Santa e o XII Torneo de Semana Santa de Fútbol 8

Campus Semana Santa 3

Con motivo da celebración da Semana Santa, a Concellaría de Deportes do Concello de Gondomar, dirixida por Natalia Salgueiro, iniciou a súa programación de actividades para os adultos e os máis pequenos.

Hoxe deu comezo o IV Campus Deportivo de Semana Santa, destinado a nen@s de entre 5 e 12 anos. Durante hoxe luns, mañá martes e o próximo mércores máis dun centenar de participantes poderán practicar diferentes modalidades deportivas, de forma gratuíta, grazas á inestimable colaboración dos clubs locais entre os que se encontran: a Sociedade Atlética Val Miñor, o Club de Salvamento e Piragüismo Val Miñor, a Agrupación Deportiva Vincios de Tenis de Mesa, o Club de Tenis Gondomar e o Vincios Fútbol Sala. ...leer más...

[GONDOMAR] O equipo de goberno do Concello remite á oposición o novo documento do PXOM

O documento foi entregado en formato dixital e contempla as distintas propostas achegadas en reunións anteriores pola oposición

O obxectivo do goberno municipal é acadar o «máximo consenso posible» en torno ao documento antes da súa aprobación inicial en pleno

O concelleiro responsable da área de Urbanismo do Concello de Gondomar, Carlos Lameiro, vén de anunciar que, o pasado luns día 14, fíxose entrega da proposta de ordenación urbanística, elaborada polo equipo redactor, aos voceiros dos distintos grupos políticos da corporación municipal, antes de proceder á súa aprobación inicial en pleno.

O novo documento do PXOM, que foi entregado en formato dixital, contempla as distintas propostas achegadas anteriormente pola oposición. «O CD inclúe toda a información necesaria para que os distintos partidos poidan estudalo, analizalo e coñecer todos os pormenores da proposta antes do debate plenario ao que será sometido o contido do texto», afirma Lameiro. ...leer más...

[GONDOMAR] Conclúe a execución das melloras de iluminación do campo municipal de fútbol de As Cercas

As obras supuxeron un investimento de 24.336’92 euros financiados polo Plan de Investimentos 2014 da Deputación de Pontevedra

As Cercas

Esta semana finalizaron as obras de mellora da iluminación no campo municipal de fútbol de As Cercas. Así o informou Juan Carlos González Camesella, responsable da área de Servizos e Medio Ambiente do Concello de Gondomar.

As obras consistiron na instalación de 24 novos focos, cambio de cableado e cadros de mando ademais de arranxos e melloras no sistema de megafonía.

A nova iluminación, que supuxo un investimento de 24.336’92 euros financiados polo Plan de Investimentos 2014 da Deputación de Pontevedra, xa está en funcionamento.

«Estas novas instalacións eléctricas van permitir optimizar o uso do campo de As Cercas e explotar ao máximo o terreo de xogo, xa que debido á boa iluminación actual se abre a posibilidade a que poidan xogarse partidos en horario nocturno sen ningún problema», afirma Camesella. ...leer más...

[GONDOMAR] A Serra do Galiñeiro volverá acoller o Trail Galicia Máxica por cuarto ano consecutivo

A presentación da proba tivo lugar esta tarde na Casa da Cultura do municipio e contou coa presenza do alpinista Sechu López, responsables de Galicia Máxica, ademais do Alcalde de Gondomar, Fernando Guitián e a responsable de Deportes, Natalia Salgueiro

TrailPor cuarto ano consecutivo a asociación Galicia Máxica Trail Adventure (GMTA), en colaboración co Concello de Gondomar, organiza unha das súas probas máis emblemáticas: o Trail Serra do Galiñeiro.

O Minitrail e Trail Serra do Galiñeiro terán lugar o próximo domingo 13 de abril, a partir das 09.30 horas.

A proba, que será a terceira puntuable dun total de seis que compoñen a competición galaica, contará con dous percorridos diferentes, un destinado a corredores máis experimentados e outro para aqueles que se inician na modalidade. ...leer más...

[GONDOMAR] José Varela, director invitado en concerto coa Agrupación Musical de Vincios

Jose Varela

Este domingo día 13, ás 18.30 horas, no Auditorio do Centro Cultural de Vincios, a Agrupación Musical de Vincios ofrecerá un concerto baixo a batuta do director José Varela Pardo.

Currículo

José Varela comezou os seus primeiros estudos de tuba no ano 1995, sendo o seu primeiro profesor D. Xurxo Guzmán e D. José Casal Sueiro. Continuou os seus estudos con D. Miguel Rodríguez Barrio. Estudou nos conservatorios de Lalíny Santiago de Compostela obtendo o título de profesor de tuba.

No ano 2000 entrou na Nova Orquestra Nacional de España e na Orquestra Moza Sinfónica de Galicia como alumno activo, con quen realiza varias xiras por Galicia e Valencia.

Impartiu clases como profesor de tuba nas escolas de música de Teo, Mullereiro, Valga, Barro, Merza, Vila de Cruces, na Escola Municipal de Sanxenxo, Escola Coda e actualmente xestiona a Escola Municipal de Cuntis. ...leer más...

[GONDOMAR] A Concellaría de Xuventude organiza un curso de Iniciación á Linguaxe de Signos

Os/as interesados/as teñen ata o día 30 de abril para formalizar a súa inscrición

A Concellaría de Xuventude do Concello de Gondomar, a través da OMIX, vai a por en marcha un curso de iniciación á lingua de signos, co obxectivo de que a mocidade do municipio aporte ao seu currículo a diferenza ou marca persoal distintiva que poida favorecer a súa contratación, así como o coñecemento dunha nova forma de expresión.

O curso desenvolverase os martes e venres en horario de mañá, desde o 6 de maio ata o 6 de xuño.

Os/as interesados/as teñen ata o día 30 de abril para formalizar a súa inscrición na OMIX de Gondomar, onde poderán recoller a solicitude, ou a través do seguinte enlace.

Fuente: Concello de Gondomar

[GONDOMAR] IX Slalon Olimpico Trofeo Concello de Gondomar

slalongondomar

O vindeiro domingo 13 de abril, a Concellaría de Deportes celebrará o que será o IX SLALON OLÍMPICO TROFEO CONCELLO DE GONDOMAR. Esta xa coñecida proba realizarase no río Zamáns ao seu paso pola Gondomar a partires das 10 da maña coa participación dos seguintes clubes que se achegarán desde diferentes puntos da Comunidade: Os Teixugos de Goián, Club Piragüismo Dumbría A Coruña, Montaña Quiros de Monforte de Lemos, Náutico Muíño de Ribadumia, O Tea de Mondariz Balneario e O Penedo de Caldelas de Tui.

Con motivo desta proba, a Concellaría de Deportes, a cal dirixe Natalia Salgueiro, ten praparado para os días 11 (en horario de tarde) e o 12 (durante todo o día), xornadas de piragüismo para todas as nenas e nenos que queiran ter unha experiencia neste deporte. A idade minima para a realización destas actividades sera a partires dos 8 anos. ...leer más...

[GONDOMAR] Gondomar celebra os Días Europeos da Artesanía con dúas xornadas de portas abertas

Mañá venres, día 4, e o sábado 5 de abril o edificio do Centro de Desenvolvemento Local acollerá en horario de 10.00 a 14.00 horas e de 16.00 a 20.00 horas diferentes talleres relacionados co sector artesán
Estas xornadas de portas abertas están organizadas pola Fundación Centro Galego da Artesanía e do Deseño, en colaboración co Concello de Gondomar e a Asociación Galega de Artesáns Tradicionais

Na mañá de hoxe tivo lugar a presentación das actividades que a Fundación Centro Galego da Artesanía e do Deseño, en colaboración co Concello de Gondomar e a Asociación Galega de Artesáns Tradicionais, van levar a cabo no municipio con motivo da celebración dos Días Europeos da Artesanía.

Durante mañá venres, día 4, e o sábado 5 de abril o edificio do Centro de Desenvolvemento Local do Concello acollerá en horario de 10.00 a 14.00 horas e de 16.00 a 20.00 horas unha serie de actividades relacionadas co sector artesán, entre as que se encontran: un taller de coiro, taller de teares de baixo lizo, taller de oficios de moda, taller de centón, taller de tinguidura, taller de tecidos de marco e un taller de papel. ...leer más...

[GONDOMAR] Amplíase o prazo para reservar praza para a viaxe a Cataluña que organiza Benestar Social

As persoas interesadas poden facelo ata o venres 11 de abril, no Departamento de Benestar Social, sito na Casa da Cultura

A Concellaría de Benestar Social do Concello de Gondomar informa de que se amplía o prazo para reservar praza para a viaxe a Cataluña, destinada a maiores de 55 anos.

A data da viaxe, será o día 5 do próximo mes de Maio e terá unha duración de 6 días, de luns a sábado.

O prezo da mesma é de 290 € por persoa e inclúe: desprazamento en autocar, hotel de tres estrelas na Costa Brava, pensión completa-bebidas, guía acompañante, guía local oficial en Barcelona, entrada a un bodega de cava e seguro de asistencia.

As persoas interesadas en reservar praza poderán facelo ata o venres 11 de abril. Máis información no Departamento de Benestar Social, sito na Casa da Cultura. ...leer más...

[GONDOMAR] Máis de 50 artesáns de toda Galicia daranse cita en Gondomar na II Feira Demostrativa de Oficios Artesáns

Terá lugar os días 5 e 6 de abril nunha carpa instalada na rúa Ángel Urzáiz

De todas as mostras organizadas con motivo dos Días Europeos da Artesanía, esta será a máis grande de toda Galicia

Feira OficiosCon motivo da celebración dos Días Europeos da Artesanía 2014, a asociación «Mestura de Artesáns do Val Miñor» en colaboración coa Concellaría de Cultura de Gondomar e a Escola de Cerámica de Gondomar organizan a II Feira Demostrativa de Oficios Artesáns para os días 5 e 6 de abril. O evento desenvolverase nunha carpa instalada ao seu efecto na rúa Ángel Urzáiz.

A presentación e inauguración será o sábado ás 12:30 horas e correrá a cargo do escritor e mestre da Universidade de Vigo, Gonzalo Navaza. O evento conta tamén co apoio do escritor Pedro Feijoo e Xosé Lois Vilar, experto en petroglifos. Ademais haberá exposicións, charlas e conferencias na Casa da Cultura da man de Pepe Pereira, mestre de coiro na EMAO (Escola Municipal de Artes e Oficios de Vigo) o sábado ás 17:45 horas e Carliños Cesteiro, mestre artesán de cestería, o sábado ás 19:00 horas. ...leer más...

[GONDOMAR] Alumnos do Conservatorio ofrecen un concerto no Centro Cultural San Andrés de Comesaña de Vigo

concierto

Un grupo de alumnos do Conservatorio de Gondomar ofreceron, o pasado venres, un concerto no Centro Cultural San Andrés de Comesaña de Vigo. Ata alí desprazáronse un total de 42 alumnos e alumnas acompañados por pais e profesores.

Durante aproximadamente unha hora, os mozos, de entre 8 e 13 anos, interpretaron ante numeroso público un repertorio que incluíu as cancións Cuéntame e Por que te vas?, ademais de poñer voz a dúas obras de Rosalía de Castro. Tamén interpretaron pezas de Phil Collins e cancións populares.

A actividade, organizada polo departamento de Educación do Concello de Gondomar, busca incentivar os nenos e nenas levando a súa música fóra do Conservatorio. «É moi importante que os alumnos participen en concertos de cara ao público. Isto motívaos e anímaos a seguir esforzándose para mellorar o seu traballo», afirma Paula Bouzós, concelleira de Educación. ...leer más...

[GONDOMAR] Aínda quedan prazas para a viaxe a Cataluña que organiza Benestar Social

As persoas interesadas en reservar praza poden facelo antes do 7 de abril, no Departamento de Benestar Social, sito na Casa da Cultura

A Concellaría de Benestar Social do Concello de Gondomar, mediante a Axencia de Viaxes PONTETUR S.L.: XG-297, organiza unha excursión-viaxe para maiores de 55 anos a Cataluña.

A data da viaxe, será o día 5 do próximo mes de Maio e terá unha duración de 6 días, de luns a sábado.

O prezo da mesma é de 290 € por persoa e inclúe: desprazamento en autocar, hotel de tres estrelas na Costa Brava, pensión completa-bebidas, guía acompañante, guía local oficial en Barcelona, entrada a un bodega de cava e seguro de asistencia.

As persoas interesadas en reservar praza poden facelo antes do 7 DE ABRIL. Máis información no Departamento de Benestar Social, sito na Casa da Cultura. ...leer más...

[GONDOMAR] Medio Rural e Concello organizan unha xornada informativa sobre o Picudo das palmeiras

Terá lugar o xoves 27 na Casa da Cultura. A sesión está dirixida a empresas do sector e constará dunha parte teórica e outra práctica

A Consellería de Medio Rural e do Mar en colaboración co Concello de Gondomar, organiza para este xoves, día 27, unha xornada informativa sobre o Picudo das palmeiras na Casa de Cultura do municipio.
A sesión ten como obxectivo informar ás empresas relacionadas co tratamento fitosanitario e/ou mantemento de xardíns e espazos públicos axardinados, sobre a situación actual do Rhynchophorusferrugineus (picudo vermello das palmeiras) na provincia.
A xornada desenvolverase dende as 09.30 a 18.00 horas e dividirase nunha parte teórica e outra práctica que incluirá o recoñecemento de palmeiras sospeitosas, demostración en campo e técnicas de cirurxía e aplicación de endoterapia, técnicas de recuperación e de control, entre outras actuacións. ...leer más...

[GONDOMAR] Escolares do Xosé Neira Vilas participan nun almorzo saudable no ‘Terras do Miñor’

De mans dunha nutricionista, os pequenos/as coñeceron a importancia de levar hábitos de vida axeitados, especialmente no referente á importancia dun bo almorzo

Máis dun centenar de rapaces de colexios de Gondomar, Baiona e Nigrán participaron na actividade

almorzo saudable

Un total de 59 alumnos e alumnas do colexio Xosé Neira Vilas, participaron nunha xornada dirixida a escolares dos tres municipios da Mancomunidade do Val Miñor co obxectivo ensinar aos máis pequenos a almorzar dun xeito saudable.

A actividade tivo lugar no obradoiro Terras do Miñor, en Nigrán, e nel participaron máis dun centenar de rapaces e rapazas procedentes de colexios de Nigrán, Baiona e Gondomar.

Os pequenos/as coñeceron a importancia de levar hábitos de vida axeitados, especialmente no referente á alimentación, na procura de axudar a xerar costumes e actitudes saudables que contribúan ao seu crecemento. Nutrirse ben desde o comezo do día é moi importante, e un bo almorzo é preciso para comezar a xornada con enerxía. ...leer más...

[GONDOMAR] Gondomar acolle o II Duatlón Escolar

A proba, clasificatoria para a final provincial, conta con 70 inscritos e está organizada pola Secretaría Xeral para o Deporte, en colaboración coa Federación Galega de Triatlón e Triatlón Mar de Vigo

Será mañá sábado, a partir das 16.00 horas

Mañá sábado 22 de marzo, a partir das 16:00 horas, o municipio acollerá o II Duatlón Escolar de Gondomar, clasificatorio para a Final Provincial.

A proba, na que están inscritos 70 participantes das categorías benxamín, alevín, infantil e cadete, terá como punto de partida e meta o campo de fútbol do municipio.

Os deportistas recorrerán distintas distancias, correndo e en bicicleta, segundo a súa categoría. Así, en benxamín os/as participantes correrán 500 metros, farán 2 quilómetros en bicicleta e correrán outros 250 metros. Os alevíns farán un quilómetro de carreira, 4 quilómetros de bici e 500 metros de carreira a pé. En infantil, 1,5 quilómetros de carreira, 6 quilómetros a pedais e 750 metros de carreira. Por último, na categoría cadete correrán 2 quilómetros a pé, farán 8 quilómetros subidos á bicicleta e completará a proba con 1 quilómetro de carreira. ...leer más...

[GONDOMAR] Un total de 17 veciños/as participaron o curso de risoterapia do programa Pensa en ti

Fernando Guitián, alcalde de Gondomar, asistiu ao acto de clausura acompañado por concelleiros da corporación

O curso, que se desenvolveu en horario de tarde, tiña como principal obxectivo fomentar actitudes positivas no desenvolvemento da vida cotiá

A actividade forma parte do programa social ‘Pensa en ti’ da Deputación Provincial

risoterapia

Fernando Guitián, alcalde de Gondomar, acompañado por concelleiros do grupo de goberno asistiu á clausura do curso de risoterapia desenvolvido na Sociedade Cultural San Roque de Morgadáns.

O curso, de 30 horas de duración, desenvolveuse en horario de tarde, de 18.00 a 20.00 horas, dende o pasado mes de novembro de 2013 e contou con 17 participantes (15 mulleres e 2 homes).

As sesións deste taller baseáronse en achegar aos/as participantes técnicas que lles axudasen a liberar as tensións do corpo para relaxarse e conseguir fomentar actitudes positivas no desenvolvemento da vida cotiá. A risa elimina o estrés, as tensións, a ansiedade e a depresión. O curso complementouse con proxeccións, charlas e exercicios de memoria. ...leer más...

[GONDOMAR] O Concello de Gondomar presenta ante a Dirección Xeral de Xuventude e Voluntariado o seu Plan de Emprego Xuvenil

O proxecto foi presentado nunha reunión na que estiveron presentes o director da Secretaría Xeral de Xuventude e Voluntariado, Ovidio Rodeiro, o concelleiro de Xuventude de Gondomar, Ignacio Troncoso e a concelleira de Formación e Emprego, Natalia Salgueiro

O plan de Emprego Xuvenil busca como principal obxectivo loitar contra o desemprego xuvenil, dinamizando a actividade do tecido económico local e procurando mellora-la calidade de vida e o benestar da cidadanía de Gondomar

Como primeiras medidas estanse a levar a cabo actuacións de potenciación nos sectores de comercio e turismo

«Consensuar entre tódolos axentes socioeconómicos locais unha estratexia e conxunto de accións, periodificadas a 3 anos, encamiñadas a loitar contra o desemprego xuvenil, dinamizando a actividade do tecido económico local e procurando mellora-la calidade de vida e o benestar da cidadanía de Gondomar». Este é o obxectivo principal do Plan de Emprego Xuvenil do Concello de Gondomar presentado esta mañá ante a Dirección Xeral de Xuventude e Voluntariado da Xunta de Galicia. ...leer más...

[GONDOMAR] Benestar Social organiza unha viaxe a Cataluña para maiores de 55 anos

As persoas interesadas en reservar praza poden facelo antes do 7 de abril, no Departamento de Benestar Social, sito na Casa da Cultura

A Concellaría de Benestar Social do Concello de Gondomar, a través da Axencia de Viaxes PONTETUR S.L.: XG-297, organiza unha excursión-viaxe para maiores de 55 anos a Cataluña.

A data da viaxe, será o día 5 do próximo mes de Maio e terá unha duración de 6 días, de luns a sábado.

O prezo da mesma é de 290 € por persoa e inclúe: desprazamento en autocar, hotel de tres estrelas na Costa Brava, pensión completa-bebidas, guía acompañante, guía local oficial en Barcelona, entrada a un bodega de cava e seguro de asistencia.

As persoas interesadas en reservar praza poden facelo antes do 7 DE ABRIL. Máis información no Departamento de Benestar Social, sito na Casa da Cultura. ...leer más...

[GONDOMAR] A Concellaría de Cultura colabora na organización do XIII Festival de Bandas da Agrupación Musical de Vincios

Será o próximo domingo, día 23, ás 17.00 horas no Auditorio Lois Tobío

AMVinciosA Agrupación Musical de Vincios, en colaboración coa Concellaría de Cultura de Gondomar, organiza para o próximo domingo, día 23, o XIII Festival de Bandas da Agrupación Musical de Vincios.

O festival, que dará comezo ás 17.00 horas, terá lugar no Auditorio Lois Tobío e nel actuarán as bandas:

  • Unión Musical Ponteledesma
  • Banda de Música Xuvenil de Xinzo (Ponteareas)
  • Agrupación Musical de Vincios

A entrada será gratuíta.

Fuente: Concello de Gondomar